Takimi Trump-Zelensky u zhvillua këtë radhë në një atmosferë shumë më të mirë sesa shkoi vizita e presidentit ukrainas në shkurt, kur dy liderët u përplasën përpara kamëerave që transmetonin live dhe Zelensky u akuzua se nuk e kishte falënderuar mjaftueshëm SHBA-në për ndihmën që i ofron. Këtë herë, ai e nisi takimin duke e falënderuar Trumpin për “përpjekjet e tij për të ndalur vrasjet”. Dy udhëheqësit buzëqeshën dhe bënë shaka pasi shefi i administratës amerikane e mirëpriti ngrohtësisht homologun ukrainas për kostumin e tij të zi – një veshje ndryshe kjo nga ana e zakonshmja ushtarake që përdor që prej fillimit të pushtimit të vendit të tij nga Rusia. Megjithatë, teksa i rezervoi buzëqeshje dhe butësi presidentit amerikan, Zelensky e kishte mbajtur vëth në vesh komentin e gazetarit që kritikoi veshjen e tij në shkurt, dhe ia ktheu reston e atij qëndrimi. "Dukeni shumë mirë mirë me këtë kostum", tha gazetari duke qeshur me liderin ukrainas. "Është i njëjti djalë që të sulmoi herën e fundit", u shpreh Trump. "Po, e mbaj mend", u përgjigj Zelensky, duke pranuar më pas komplimentet dhe ndjesën e reporterit, të cilin nuk la e shpotitur pak.