Presidenti amerikan, Donald Trump, telefonoi homologun rus, Vladimir Putin, për të nisur përgatitjet për një takim ballë për ballë me presidentin ukrainas, Volodymyr Zelensky, pas një dite me takime të jashtëzakonshme në Shtëpinë e Bardhë të hënën si pjesë e përpjekjeve për t’i dhënë fund luftës. Trump tha se e telefonoi Putinin, pasi u takua me Zelenskin, si dhe me udhëheqësit e Britanisë, Francës, Gjermanisë, Italisë, Finlandës, Bashkimit Evropian dhe NATO-s në Shtëpinë e Bardhë. “Ky është një hap shumë i mirë, një hap fillestar për luftën që ka nisur pothuajse katër vjet më parë”, tha Trump. Zelensky u tha gazetarëve jashtë Shtëpisë së Bardhë pas takimeve se ai do të takohej me Putinin pa parakushte. Një takim mes Zelenskyt dhe Putinit do të pasohej nga një takim trepalësh me pjesëmarrjen e Trumpit.