Presidenti amerikan Donald Trump, tha në shtëpinë e bardhë se Ukraina nuk do t’i bashkohet NATO-s por evropa dhe SHBA do të ofrojnë garanci sigurie për të pas një marrëveshjeje të mundshme paqeje, pavarësisht se detajet nuk dihen ende. Për ekspertët, gjithcka do të jetë subjekt i negociatave intensive në vijim. Sipas tyre, Zelenski mori mbështetje nga SHBA dhe Evropa dhe kur të nënshkruajë marrëveshjen përfundimtare të paqes mund të krenohet se perëndimi është në krah të tij. Megjithatë ka dyshime që SHBA apo ndonjë fuqi evropiane mund të angazhohen përmes një traktati për të luftuar kundër rusisë. Ministria e Jashtme ruse ka thënë më herët se nuk do të pranojë trupa të NATO-s në Ukrainë si pjesë e një marrëveshjeje për t’i dhënë fund luftës. Dhe pritet që moska të vazhdojë ta refuzojë një gjë të tillë. Ekspertët i shohin trupat perëndimore në ukrainë si një vijë të kuqe për rusët pavarësisht se parimi që Perëndimi mund të ofrojë mbështetje ushtarake për Ukrainën, është dicka e pranuar tashmë edhe nga vetë Moska. Udhëheqësit evropianë jo më kot shkuan në Uashington, ata donin të tregonin një front të unifikuar për Ukrainën dhe shumë prej liderëve e lavdëruan Trumpin, i cili së fundi ka kërcënuar me sanksione dhe masa të tjera me qëllim që t’i japë shpejt fund luftës.