Liderët e BE do të mbajnë bisedime virtuale për të diskutuar rritjen e furnizimeve me vaksina anti covid dhe përmirësimin e shpërndarjes së dozave në 27 vendet anëtare të bllokut. Komisioni evropian do ti kërkojë liderëve të mbështesin planet për kontrolle më të shtuara të eksportit të vaksinave, cka mund të prekë furnizimet për britaninë e madhe. Kryeministri britanik, Boris Johnson, më herët paralajmëroi kundër vendosjes së bllokadave. Samiti virtual vjen ndërkohë që një valë e tretë infektimesh me koronavirus ka përfshirë pjesën më të madhe të evropës. Presidenti amerikan Joe Biden, do të përfshihet po ahstu në bisedime më vonë gjatë ditës për të diskutuar mbi marrëdhëniet BE-SHBA. Fushata e vaksinimit në BE ka qenë më e ngadaltë se në britani dhe komisioni evropian ka fajësuar kompanitë farmaceutike, kryesisht AstraZeneca-n se nuk ka mbajtur premtimet që i ka bërë BE-së. Sidoqoftë, liderët janë të ndarë për sa i takon propozimeve për kufizime të reja të eksporteve të vaksinave jashtë bllokut, që do të bënin që të rriteshin furnizimet brenda BE. Një sajt në belgjikë, që prodhon vaksinën e oxfordit dhe astrazenecas dhe një tjetër në holandë, pritet të shtojë furnizimin me doza në bllok. Brukseli tha se nga mbi 40 milionë doza të eksportuara nga BE gjatë dy muajve të shkuar, një e katërta janë dërguar në britaninë e madhe. Në një deklaratë të përbashkët të mërkurën, britania e madhe dhe BE thanë se donin të krijonin një situatë ku të gjithë palët të ishin të fituar dhe të zgjeronin furnizimet me vaksina për të gjithë.