Fushata elektorale nuk është thjesht një ballafaqim idesh, programesh dhe vizionesh, por edhe një garë për një kontratë pune. Sipas listpagesave të deputetëve publikuar në faqen zyrtare të kuvendit, politikanët shqiptarë i kushtojnë jo pak buxhetit të shtetit Shqiptar. Sipas të dhënave zyrtare të këtij institucioni, paga mesatre bruto e një deputeti shqiptar arrin në nivelin 140 mijë lekë të reja në muaj. Krahasuar me nivelin e pagës mesarare bruto në Shqipëri, që është vetëm 54 951 lekë, pagat e deputetëve janë rreth 5 herë më të larta se mesatarja në Shqipëri. Krahas pagave mujore, parlamentarët kanë edhe përfitime të tjera financiare. Vetëm për muajin shkurt të këtij viti, buxheti i shtetit ka harxhuar rreth 13 milionë lekë për përfitime financiare. Këto përfitime përfshijnë: rimbursimi i shpenzimeve telefonike, rimbursimi i qerasë së banesave, dieta ushqimore, shpenzime udhëtimesh, rimbursim i karburantit etj.