Ushtria ruse pretendon se ka shkatërruar një dërgesë të madhe me armë perëndimore me destinacion forcat ukrainase që po mbrojnë Donbasin. Ministria ruse e mbrojtjes tha se sulmi në rajonin veri perëndimor të Zhytomyr-it, përmes një rakete kruiz Kalibr të lëshuar nga deti, asgjësoi një sasi të madhe armësh dhe pajisjesh ushtarake të sjella nga SHBA dhe vende të tjera evropiane. Ministria po ahstu pretendoi se rusia kishte goditur disa pika komande ukrainase, magazina karburanti etj, afër qytetit të Odesës dhe kishte rrëzuar dy avionë ushtarakë ukrainas, Su-25 dhe 14 dronë. Raportet sidoqoftë nuk mund të verifikohen në mënyrë të pavarur. Ndërkohë, Volodimir Zelenski, presidenti ukrainas, ka propozuar një marrëveshje zyrtare me aleatët e vendit për të siguruar kompensimin rus për dëmet që forcat e Putinit kanë shkaktuar në ukrainë gjatë luftës. Zelenski ka paralajmëruar se Rusia po përpiqet të shkatërrojë sa më shumë që mundet nga infrastruktura ukrainase dhe tha se një marrëveshje e tillë do ti tregonte vendeve që planifikojnë akte agresive se ata duhet të paguajnë për veprimet e tyre.