Presidenti amerikan Donald Trump ka paralajmëruar Rusinë se do të ketë pasoja të rënda nëse brenda 50 ditësh nuk arrin një marrëveshje armëpushimi në Ukrainë, por trupat e Putinit nuk tregojnë shenja tërheqjeje dhe vazhdojnë përpjekjet për të marrë nën kontroll një qendër logjistike në rajonin lindor të Donetskut. Trump sugjeroi të premten se sanksionet e reja kundër Rusisë mund të vendosen më herët se afati shtatë-javor që ai njoftoi më herët këtë muaj, i cili u kritikua nga shumëkush që besonte se ultimatumi i kishte dhënë Putinit liri veprimi për të vazhduar me ofensivën e tij. Kur u pyet të premten nëse SHBA-të mund të vendosin sanksione ndaj Rusisë përpara afatit 50-ditor, Trump u përgjigj "ndoshta". Ekspertët thonë tani se Putin po përpiqet të fitojë sa më shumë territor të jetë e mundur përpara skadimit të afatit. Disa analistë vërejnë ndërkohë se as Rusia dhe as tregjet financiare nuk janë të shqetësuara për afatin kohor të dhënë nga Trump. Dhe në fakt, që nga deklarata e trumpit më 14 korrik, Rusia nuk i ka ngadalësuar aspak sulmet e saj me raketa dhe dronë mbi ukrainë e as nuk e ka ndalur përpjekjen e saj në vijën e frontit. Instituti për Studimin e Luftës thotë se forcat ruse po avancojnë në rajonin e Donetskut dhe në veriperëndim të Kupianskut, në rajonin e Harkivit cka dëshmon se putin po përpiqet të fitojë sa më shumë territor që të mundet para skadimit të ultimatumit të Trumpit. Ai madje është fokusuar tani në pushtimin e një pjese të rajoneve të Sumit, Kharkivit dhe Dnipros. Dhe objektivi i tij është të arrijë fitore të mëdha para shtatorit.