Ushtria ukrainase tha se forcat ruse kanë nisur kundërsulme përreth Harkivit, në përpjekje për të rimarrë territorin e humbur dhe pasi u detyruan që të kthehen në kufi. Ndërkaq, një komandant rus i një njësie elite të tankeve, raportohet se është pezulluar nga puna për shkak të dështimi për të marrë kontrollin e Harkivit, qytetit të dytë më të madh ukrainas. Në vendbanimin Velika Komishuvaka, forcat ruse kanë pësuar humbje të mëdha, duke u detyruar të largohen nga pozicionet që më herët kishin pushtuar, tha Shtabi i Përgjithshëm i forcave të armatosura ukrainase më 19 maj. Ndërkaq, guvernatori i rajonit rus Kursk, tha se një person është vrarë dhe disa të tjerë janë plagosur, nga siç tha ai, një sulm ukrainas në një fshat që gjendet pranë kufirit.