6 persona kanë humbur jetën nga koronavirusi në Shqipëri në 24 orët e fundit, duke e çuar në 2310 numrin total të viktimave që nga fillimi i pandemisë. Ndërkohë nga 3342 testime të kryera, vihet re se rastet e reja janë shtuar në krahasim me ditët e mëparshme pasi janë konfirmuar 360 persona të infektuar me koronavirus. Aktualisht në spitalet Covid në Tiranë dhe në tre spitalet rajonale po trajtohen 237 pacientë, 15 në terapi intensive, nga të cilët 6 pacientë janë të intubuar. Në 24 orët e fundit janë shëruar 543 qytetarë, duke e çuar numrin e të shëruarve në 96,672 që nga fillimi i epidemisë. Ministria e Shëndetësisë dhe Mbrojtjes Sociale ka pwrswritur ndwrkohw apelin drejtur të gjithë qytetarëve të zbatojnë rregullat anti-covid, të shmangin grumbullimet, të ruajnë distancimin fizik apo edhe të vendosin maskat mbrojtëse. Ndërkohë, po vijon procesi i vaksinimit në të gjithë vendin për për të moshuarit mbi 70 vjeç dhe punonjës të shërbimeve kritike. Në 24 orët e fundit janë kryer 8134 vaksinime anti COVID ndërsa që prej fillimit të vaksinimit janë administruar në total 250.676 doza të vaksinës.