Numri I aborteve në Kosovë është rritur krahasuar me një vit më parë. 128 aborte me dëshirë u regjistruan gjatë nëntë muajve të parë të këtij viti në klinikën e e Gjinekologjisë pranë Qendrës Klinike Universitare të Kosovës. Kemi bërë një krahasim me vitin e kaluar. Numri është pak në rritje...Në vitin 2023 kanë qenë gjithsej 109 aborte artificiale. Ndërsa, në vitin 2024 deri më tani, kanë qenë 128... Me abortet ne kuptojmë ndërprerjen e shtatzënisë deri në javën e 22-të. Shkaqet mund të jenë, janë abortet artificiale, që ndërprerja bëhet me vetëdëshirë dhe abortet për shkaqe mjekësore. Abortet artificiale, prapë këtu e kemi një ndarje deri në javën e dhjetë, sipas ligjit lejohet me vendosjen e çiftit të bëhet ndërprerja e shtatzënisë, është plotësisht legale, për shkaqe të ndryshme që ata e konsiderojnë që duhet të ndërpritet shtatzënia. Pas javës së dhjetë, ndërprerja e shtatzënisë bëhet vetëm me indikacionet mjekësore nga ana e nënës apo fëmijës apo për ndonjë shkak social është e lejuar me ligj Drejtori i Gjinekologjisë Zef Ndrejaj në një intervistë për KosovaPress tha se numri I lindjeve gjatë kësaj periudhe ka qenë afro 6 mijë.