Shkollat në las vegas po planifikojnë të rihapen brenda pak javësh pasi zemërimi dhe shqetësimi po rriten në lidhje me shëndetin mendor të nxënësve dhe një rritje të mundshme të numrit të vetëvrasjeve mes tyre që nga mbyllja për shkak të covidit, marsin e kaluar. Konteja Klark e Nevadës, që përfshin las vegasin dhe distriktin e pestë më të madh të shkollave në vend, ka regjistruar 19 vetëvrasje mes nxënësve që nga mbyllja e shkollave. Shifra është më shumë se dyfishi i asaj të regjistruar në gjithë vitin e kaluar. Një numër kompleks faktorësh kontribuojnë tek vetëvrasjet, e sipas ekspertëve, ato nuk mund të shpjegohen asnjëherë nga një shkak i vetëm. Por studimet kanë treguar se pandemia ka prekur në mënyrë të vecantë pjesët më vulnerabël të shoqërisë, përfshirë të rinjtë që kanë qëndruar larg shkollave. Një rritje e crregullimeve psikologjike kanë koinciduar me pandeminë e koronavirusit dhe izolimet prej saj. Ndërsa qëndrimi drejt izolimeve gjatë pandemisë, është politizuar shpesh në shba, kundërshtarët e mbylljes së shkollave kanë amplifikuar zërat e familjeve të viktimave dhe të ekspertëve të shëndetit mendor duke paralajmëruar për pasojat tek mirëqënia e fëmijëve.