Në Bulqizë kanë rinisur reshjet e dëborës, krahas temperaturës së ulët që kë prekur vendin. Problematikat duket se nuk po gjejnë zgjidhje për shkak të saj, teksa siç duket dhe nga pamjet rrugët e godinat e ndryshme janë zbardhur plotësisht. Disa zona aktualisht janë pa energji elektrike, teksa qarkullimi I automjeteve bëhet me vështirësi. Trashësia e dëborës në disa njësi administrative shkon në 10cm, ndërsa në ato të thella malore mbi 30 cm. Aty situata paraqitet edhe më e rrezikshme, ku bëhet me dije për fshatra të izoluar. Energjia elektrike është ndërprerë prej ditësh tashmë, si dhe tubot e ujit të pijshëm kanë ngrirë. Kjo e fundit ka bërë që qindra familje të mos furnizohen. Situata është rënduar më tepër pasditen e kësaj të shtune. Rrugët kanë krijuar shtresa akulli ndaj urdhërohet që automjetet të pajisen me zinxhirë, shoqëruar me gomat dimërore. Gjithashtu të shmangen lëvizjet e panevojshme përgjatë zonave problematike. Në një moment kur reshjet e dëborës nuk kanë përfunduar dhe temperaturat vijojnë të jenë të ulëta, nuk mund të arrihet normalizimi nga ana e autoriteteve në terren.