Mbetjet e rrezikshme të kthyera mbrapsht nga Tajlanda pritet të analizohen nga një laborator jashtë vendit. Për të konfirmuar se çfarë ndodhet brenda kontejnerëve të KURUM që janë vendosur në Porto Romano, prokuroria e Durrësit, e ndodhur dhe nën presionin e organizatave ndërkombëtare, mësohet se është detyruar të kërkojë ndihmën e ekspertëve të huaj për analizimin e mbetjeve pasi autoritetet vendase nuk e morën përsipër. Edhe pse ka tetë muaj që këto mbetje kanë mbërritur në vend, ato ende nuk janë analizuar. Alarmi për to u dha nga organizata amerikane Basel Action Networtk që paralajmëroi se kontejnerë me mbetje toksike ishin nisur nga Shqipëria drejt Tajlandës. Sipas BAN ato përmbanin një substancë të rrezikshme prej metalesh toksike si kadmiumi dhe kromi, të cilat janë të dëmshme për shëndetin dhe mjedisin. por një gjë e tillë pritet të konfirmohet vetëm pas analizimit.