Ushtria gjermane, po organizon rikthimin në Gjermani të 65,000 kanaçeve me birrë nga Afganistani, ndërsa forcat e NATO-s do të përpiqen të tërhiqen. Sipas një raporti të revistës gjermane "Der Spiegel" bëhet fjalë për më shumë se 22500 litra, si edhe 340 shishe verë dhe verë të gazuar. Për arsye sigurie nga rreziku i sulmeve të armatosura komandanti i trupave gjermane, Ansgar Meyer, ua ndaloi ushtarëve gjermanë pirjen e alkoolit gjatë fazës së fundit të tërheqjes nga Afganistani. Po ashtu ushtrisë gjermane nuk iu lejua t'ua shiste alkoolin trupave lokale për arsye ligjore dhe fetare. Ushtarëve gjermanë normalisht i lejohen dy kanace birrë në ditë ose një sasi ekuvalente e një alkooli tjetër. Më shumë se 60 mijë kanoce birre dhe qindra shishe verë dhe shampanjë ndodhen në kampin Marmal, afër Mazar i Sharifit në veri të afganistanit. Një zëdhënës i ministrisë së mbrojtjes tha se kishin gjetur një kontraktor civil që do të riatdhesonte pijet. Bundesëehri gjerman si dhe të gjitha forcat e tjera të armatosura të vendeve të NATO-s pritet të largohen nga Afganistani deri më 11 shtator të këtij viti. Gjermania kishte në Afganistan kontigjentin e dytë më të madh ushtarak pas SHBA-së. Misioni në Afganistan ishte operacioni më i kushtueshëm dhe më i madh në historinë e Bundesëehr-it.