Kompania për shpërndarjen e energjisë elektrike në Kosovë njoftoi politikat e reja të saj, sipas të cilave do të aplikohen kamatëvonesa të majme për qytetarët dhe bizneset që paguajnë detyrimet e tyre tarifore me vonesë. Sipas këtij vendimi, konsumatorët që paguajnë me vonesë penalizohen me gati 18 euro shtesë në faturë. Por, ky vendim i kompanisë nuk është pritur mirë nga qytetarët, që thonë se kjo është barrë e shtuar, në një kohë që shumë prej tyre mezi po sigurojnë të ardhurat për të shlyer detyrimet mujore. “E padrejtë qind për qind, dyfish pothuajse të paguajmë. Më herët kemi kritikuar qeveritë e kaluara, njësoj, asgjë nuk ka ndryshuar veç më keq, edhe më shtrenjtë, 120 për qind e kanë shtrenjtuar më duket.. E kam parë ajo vërejtja, ose për shembull e kanë bërë fatura me qenë në zarfe, por nuk po respektohet sa kam parë unë”