Komuniteti ndërkombëtar ka zgjedhur të heshtë ose të reagojë në mënyrë shumë të kufizuar pas rrëmbit të policëve nga Serbia. Zëdhënësi i Bashkimit Evropian, Peter Stano, ka thënë se janë në kontakt me Kosovën, Serbinë si dhe KFOR'in për të kuptuar më shumë rreth asaj çfarë ka ndodhur. Në një reagim për mediat ka deklaruar se Kosova dhe Serbia duhet të përmbahen nga veprimet apo thirrjet qe e tensionojnë situatën edhe më shumë. "Ne jemi - si çështje urgjente - në kontakt me të dyja palët, si dhe me KFOR-in, për të përcaktuar se çfarë dhe si ka ndodhur saktësisht", ka thënë ai. "Ne i bëjmë thirrje Kosovës dhe Serbisë që të përmbahen nga çdo veprim apo reagim që mund të kontribuojë më tej në ngritjen e tensioneve. Ne përsërisim thirrjen e BE-së për de-përshkallëzimin e menjëhershëm dhe vendimtar", ka deklaruar Stano. Nga ana tjetër, ambasadorja e përhershme amerikane në NATO, Julianne Smith tha se aleatët e NATO-s po ndjekim "me interes të madh dhe me shumë shqetësim" zhvillimet në Kosovë. E pyetu lidhur me tensionet aktuale në veri të Kosovës, ajo tha se prioriteti numër një është marrja e masave të menjëhershme nga të dyja palët për të shtensionuar situatën", tha Smith. dialogu i ndërmjetësuar nga Bashkimi Evropian është rruga e vetme përpara për Kosovën dhe Serbinë.