Në alarm ndodhen organet shëndetësore të Greqisë pas vdekjes së një 8-vjeçari në Selanik për shkak të infeksionit të streptokokut të grupit A. 8-vjeçari nga Imathia, që u dërgua me urgjencë në spitalin Hipokrati të Selanikut është rasti i gjashtë i vdekjeve brenda këtij viti nga sëmundja invazive streptokokale dhe ky infeksion i veçantë ndodhet në këto momente nën lupën e autoriteteve shëndetësore europiane. Mëngjesin e së martës është dërguar në të njëjtin spital edhe një 9-vjeçar, kushëri i viktimës dhe me simptoma të njëjta.