Kryeministri Edi Rama, i shoqëruar nga ministrja e Shëndetësisë Ogerta Manastirliu u ndalën në Spitalin Memorial të Fierit, i cili ka nisur nga puna javën e kaluar. Në një infrastrukturë moderne, të pajisur me teknologjinë më të fundit të aparaturave diagnostifikuese, gjatë këtyre ditëve rreth 100 pacientë janë konsultuar me stafin e mjekëve turq dhe vendas, ndërsa 18 pacientë janë të shtruar, mes të cilëve edhe pacientë që kanë kryer ndërhyrje kirurgjikale. Kryeministri Rama tha se Spitali Rajonal Memorial nuk është thjesht dhe vetëm një ofrues shërbimesh shëndetësore, por edhe një qendër transferimi dijeje dhe experience.