Fundjava e parë e muajit janar është shoqëruar me fluks të lartë në pikat e kalimit kufitar, e sidomos në pikat që lidhin Shqipërinë me Greqinë. Në Kapshticë ka patur një radhë të gjatë automejtesh përgjatë kësaj të diele, ndërsa edhe udhëtarët kanë qenë të shumtë në numër. Edhe pse fluksi ka qenë i lartë, autoritetet greke nuk kanë punuar me kapacitete të plota, ashtu sikurse punuan ditët përpara festave, apo edhe në data 2 deri në 5 janar. Në pikën kufitare bëhet me dije se pala shqiptare po punon me 5 sportele, ndërsa ajo greke vetëm me një sportel, duke krijuar fluks dhe vonesa në kalim.