Top News – Qeveria e Kosovës po rrezikon shumë! Paralajmëron eurodeputetja: Dialogu është zgjidhja

Raportuesja për Kosovën në Parlamentin Evropian, Viola von Cramon, u shpreh e shqetësuar nga situata në veri të Kosovës gjatë një konference për shtyp në Prishtinë, Ajo tha se Qeveria e Kosovës “duket se po rrezikon shumë me këto veprime në veri”. Von CRAMON: Ju të gjithë e dini se unë jam mbështetëse e fuqishme e Pavarësisë së Kosovës dhe e integritetit dhe sovranitetit të saj, megjithatë unë vizitova dje veriun dhe sinqerisht jam shumë e shqetësuar. Është situatë shumë e vështirë dhe e tensionuar, ka shumë njësi të forcave speciale, automjete të blinduara. Sigurisht, kryetarët e rinj janë zgjedhur në mënyrë të ligjshme, dejure, por kjo nuk nënkupton që ata kanë fuqi legjitime që të hyjnë në këto objekte dhe që këtë ta bëjnë me forcë.