Presidenti rus, Vladimir Putin, ka kritikuar vendet perëndimore që presin që fqinjët e Azisë Qendrore të Rusisë të marrin refugjatë afganë, ndërsa vizat e tyre në SHBA dhe Evropë janë duke u përpunuar, raportohet nga agjencia Reuters. “Partnerët tanë perëndimorë po këmbëngulin në një mundësi për të shpërndarë refugjatë afganë në vendet e Azisë Qendrore derisa ata të marrin viza për SHBA dhe vende të tjera”, ka deklaruar ndër të tjera Putin, duke folur në një takim zyrtar në Moskë, teksa theksoi se vetë ata nuk i pranojnë këto emoigrantë pa viza. Mësohet se SHBA po negocion me disa vende për të strehuar përkohësisht refugjatët afganë, sakaq Rusia lejon udhëtim pa viza për banorët e ish vendeve të Azisë Qendrore Sovjetike, dhe Putini ka shprehur shqetësimin se militantët mund të udhëtojnë të fshehtë si refugjatë.