Top News-Putin fillon ‘spastrimet’ ushtarake / Arrestohet zëvendësdrejtori i gardës kombëtare ruse

Lëvizja e presidentit rus Vladimir Putin për të pushtuar Ukrainën, i ka kushtuar atij shumë rëndë, ku që prej datës 24 shkurt, ditën kur filloi lufta e deri më sot, thuhet se rreth 28 mijë ushtarë rusë janë vrarë nga ushtria e Ukrainës. Në fakt, shifra e viktimave është kontradiktore, sepse tjetër gjë raporton Pentagoni dhe gjë tjetër tha presidenti I Ukrainës Volodimir Zelensky. Kjo shifër, përbën më shumë se gjysmën e trupave ruse, ku për këtë arsye Vladimir Putinin ka filluar ‘spastrimet’ e para në rradhët e ushtrisë. Gazetari investigativ, Gristo Grozev përmes një postimi të bërë në Tëitter, duke cituar burime të pavaruara shkruan se shërbimi rus i sigurisë arrestoi zëvendësdrejtorin e Gardës Kombëtare Ruse, Roman Gavrilov. Arsyet e arrestimit të tij nuk dihen për momentin, por sipas disa burimeve, oficeri rus u arrestua për rrjedhje të informacionit ushtarak, me pasojë humbjen e jetës. Në të njëjtën kohë, dy burime të tjera vënë në dukje se Gavrilov bëri përdorim të kotë të karburantit, me rezultatin që shumë tanke ruse qëndrojnë në mes të rrugës nga mungesa e karburantit, siç kanë treguar shumë video të forcave ukrainase.