Presidenti amerikan, Joe Biden, ka thënë të martën se kriza në Ukrainë është çështje globale, e cila ka rritur rëndësinë e ruajtjes së rendit ndërkombëtar, integritetit territorial dhe sovranitetit. Komentet e Bidenit në Tokio kanë ardhur një ditë pasi ai ka ofruar mbështetje ushtarake për Tajvanin, ishull që vetëqeveriset, por të cilin Kina e sheh si të sajin. “Kjo është më shumë sesa çështje evropiane. Është çështje globale”, ka thënë Biden për krizën në Ukrainë, në një takim të zhvilluar mes delegacioneve të Shteteve të Bashkuara, Japonisë, Indisë dhe Australisë.Biden ka theksuar se Uashingtoni është me aleatët e saj dhe ka bërë thirrje për një rajon të lirë dhe të hapur të Indo-Paqësorit.“Ligji ndërkombëtar dhe të drejtat e njeriut duhet të mbrohen gjithmonë, pavarësisht se ku janë shkelur në botë”, ka thënë ai.Kryeministri japonez Fumio Kishida, ishte në një linjë me komentet e Biden duke thënë se ajo që ka ndodhur në Ukrainë nuk duhet lejuar të ndodhë në zi. Biden po takon liderët e japonisë, australisë dhe Indisë në Tokio, në të parën vizitë të tij në azi si president. Të katër vendet, të njohura së bashku si Quad, po diskutojnë për shqetësimet ekonomike dhe ato të sigurisë, përfshirë rritjen e ndikimit të Kinës në rajon dhe dallimet për pushtimin rus të Ukrainës.