Prova të rëndësishme gjenetike mund të provojë se covidi është projektuar që të jetë ekstremisht ngjitës para se virusi të dilte nga një laborator në Vuhan – thonë dy ekspertë. Steven Quay dhe Richard Muller, pretendojnë se faktet në lidhje me kodin gjenetik të virusit, janë tronditëse. Pikëpyetje të shumta ka patur nëse virusi, që ka vrarë deri më tani në të gjithë globin 3.7 milionë njerëz, mund të ketë dalë nga instituti i virologjisë në Vuhan dhe ato janë intensifikuar kohët e fundit pas një periudhe kur zërat shiheshin si teori konspirative. Kina dhe laboratori vazhdojnë të mohojnë akuzat. Por, të dhënat po rriten ndërsa presidenti amerikan Joe Biden i ka kërkuar spiunëve amerikanë të mbledhin prova. Edhe vetë këshilltari i lartë i tij, Anthony Fauci tani e konsideron daljen nga laboratori të virusit tani, si të mundshme. Quay dhe Muller, tani kanë prezantuar prova të reja në një ese të publikuar në The Ëall Street Journal ndërsa argumentojnë se shkenca sugjeron një dalje nga laboratori.