Policia e Tiranës ka hartuar një plan masash të fokusuar kryesisht në bllokim të rrugëve, në kuadër të mbarëvajtjes së protestës së opozitës që nis në orën 12 të së shtunës. Sipas këtij njoftimi, duke filluar nga ora 06:00 e datës 11 shkurt 2023, nuk do të lejohet parkimi i automjeteve, në rrugët: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D'Ark" dhe bulevardi "Bajram Curri”, nga kryqëzimi i rrugës së Elbasanit me rrugën “Ibrahim Rugova”.