Presidentit të zgjedhur Joe Biden i është dhënë llogaria e tij e re zyrtare, presidenciale, e tëitterit, por është detyruar ta fillojë atë me zero ndjekës. Fushata e Biden është e pakënaqur me këtë lëvizje, që shënon një ndryshim nga tranzicioni i mëparshëm nga barak Obama. Llogaria e re @PresElectBiden, do të shndërrohet në atë zyrtaren @POTUS (President of the United States) në ditën e inaugurimit, më 20 janar. Në gjashtë orët e para të saj online, llogaria sidoqoftë fitoi afërsisht 400 mijë ndjekës. Donald Trump trashëgoi llogarinë Potus me 13 milionë ndjekës kur ai zuri vendin e Obamës në shtëpinë e bardhë, por kjo nuk do të ndodhë këtë radhë. Ekipi i Biden ishte njoftuar për lëvizjen para më pak se një muaji dhe tha se kjo do të thoshte se administrata do të duhej ta niste nga zero. Tëitter nuk ka shpjeguar përse e ka marrë këtë vendim. Më herët Tëitter kishte njoftuar se llogaritë institucionale nuk do të merrnin automatikisht ndjekësit e një administrate të mëparshme, por nuk dha një arsye. Ekipi i Biden ka regjistruar edhe adresën FLOTUS për zonjën e parë të ardhshme dhe një llogari krejt të re zyrtare, atë @SecondGentleman, për bashkëshortin e Kamala Harris, Doug Emhoff. Barak obama ishte i pari lider amerikan me një llogari zyrtare në Tëitter. Llogaria @POTUS u hap gjatë mandatit të tij.