Prokuroria e Posaçme Kundër Korrupsionit dhe Krimit të Organizuar ka dhënë detaje për operacionin që u zhvillua të martën në Zyrën Arsimore Dibër, ku mësohet se janë arrestuar dy persona. Bëhët fjalë për një zyrtar dhe një qytetar. SPAK ka njoftuar se gjithçka ka nisur, pasi një person, i identifikuar si Halit Shehu ka dashur të fillojë punë si mësues pranë Zyrës Arsimore në Dibër. Shehu ka kontaktuar me Fitim Farrukun, i cili është punonjës i Këshillit të Qarkut Dibër, për të fituar vendin e punës. Farruku i ka premtuar Shehut vendin e punës si mësues, kundrejt një shpërblimi prej 100 mijë lekë te reja. Menjëherë pasi Halit Shehu i ka dorëzuar shumën e parave shtetasit Fitim Farruku, policia ka ndërhyrë dhe bëri të mundur arrestimin e tyre si dhe bllokoi provat materiale. Të dy të arrestuarit dyshohet se kanë konsumuar elementet e veprës penale të “Ushtrimit të ndikimit të paligjshëm të personave që ushtrojnë funksione publike” parashikuar nga Kodi Penal.