Me partinë e tij që pritet të fitojë një mandat të tretë në zgjedhjet e përgjithshme më 12 qershor, Tayyip Erdogan, presidenti i Turqisë, duket se është i vendosur të vulosë trashëgiminë e tij me projektin e tij të cmendur, të premtuar prej kohësh; një kanal 50 km të gjatë dhe 120 metra të gjerë që qeveria e tij planifikon të ndërtojë 100 km në perëndim të stambollit, mes detit të zi dhe detit marmara. I gjerë dhe i thellë mjaftueshëm për të lejuar kalimin në të të superanijeve që shkojnë deri në 300 mijë tonë peshë, më të mëdha se tankerat që janë sot në përdorim, kanali nuk do të ketë pengesa dhe do të lejojë trafikun e njëkohshëm në të dyja drejtimet, ndryshe nga ngushtica e mbingarkuar e Bosforit, që duhet të mbyllet në të dyja drejtimet për të lejuar kalimin e tankerave më të mëdhenj. Objektivi është i qartë.