Një numër në rritje personash kërcënohen nga përmbytjet, të shkaktuara nga shkrirja e liqeneve të ngrira. Shkencëtarët kanë paralajmëruar se ndërsa planeti ngrohet dhe akullnajat zvogëlohen në përmasa, uji i shkrurë akumulohet dhe krijon liqene, shpehs si rezultat i veprimit të akullit si një digë. Që nga 1990, vëllimi, zona dhe numri i këtyre liqeneve të ngrira është rritur me 50 për qind në shkallë globale. Kur këto liqene të tejmbushen, atëherë ekziston rreziku se ata mund të thyejnë barrierat duke lëshuar vëllime të mëdha uji e duke shkaktuar përmbytje katastrofike. Disa liqene janë më të rrezikshëm se të tjerët dhe me shumë gjasa do të rezultojë në ato që njihen si përmbytje nga liqenet akullnajore. Shqetësim të vecantë, për shkencëtarët, paraqesin ato liqene në zonën e andeve dhe në himalaje, ku akullnajat po shkrihen me mundësinë e rrëzimit edhe të faqeve të malit në këto liqene. Lidhja mes rritjes së temperaturave dhe përmbytjeve nga liqenet akullnajore, është e komplikuar. Ndërsa krijimi dhe rritja e liqeneve akullnajore mun ti atribuohet ndryshimeve antropogjene të klimës, ato që mund të shkaktojnë përmbytje katastrofike shpesh janë faktor jo klimaterikë, si psh tërmetet, ortekët ose reshjet ekstreme. Një nga parametrat që e bën një liqen akullnajor me gjasë të rrezikshëm, ëhstë përmasa e popullatës rreth tij që mund të ekspozohet ndaj përmbytjeve dhe numri mund të variojë ga disa qindra e deri në qindra mijëra. Sidoqoftë, shumë faktorë janë në lojë dhe është thuajse e pamundur të përllogaritet se sa njerëz mund të jenë të rrezikuar në shkallë globale.