Një pikturë e një rruge në Paris e Vincent Van Gogh, e cila kaloi më shumë se 100 vjet e fshehur për sytë e publikut ka arritur cmimin e 13.9 milion eurove në ankand. Agjensia e shitjeve të artit figurativ Sotheby's tha se çmimi i shitjes ishte një rekord për artistin Hollandez në Francë, ku u zhvillua ankandi. Ajo kishte vlerësuar më parë Një Skenë Rruge në Montmartre e cila mund të arrinte deri në tetë milion euro. Pikturuar në 1887, gjatë gjithë kësaj kohe vepra ishte në pronësi të një familje franceze. Specialistët ishin në dijeni të saj por ajo ishte kataloguar vetëm si një fotografi bardh e zi. Një çmim tjetër pak më i lartë u arrit për pikturën, por shitja u anulua për shkak të problemeve me ofertat në internet. Një skenë rruge në Montmartre është një nga seritë e punës së Van Gogh, e krjuar në kohën kur jetonte në Paris, së bashku me vëllanë e tij Theo gjatë viteve 1886-1887. Piktura portretizon një nga mullinjtë e erës që përshkonte Montmartre në kohën kur ishte vetëm një fshat në periferi të Parisit. Ndërsa kisha e famshme Sacre-Coeur që tani dominon zonën , ishte në ndërtim e sipër. Sipas një eksperti të Pikturave të Van Gogh, Martin Bailey, skena e përshkruar në pikturë ishte vetëm një shëtitje e shkurtër larg nga banesa ku Vincent dhe vëllai i tij po jetonin atëherë. Ajo që është emocionuese është se ajo është një pikturë e Van Gogh e cila është fshehur që kur doli nga duart e artistit, "shtoi ai.