Numri I migrantëve të paligjshëm që shkojnë në ishullin grek të Kretës ka rënë ndjeshëm që kur Qeveria njoftoi një pezullim të kërkesave për azil, ka deklaruar ministri grek I Migracionit. “Mesazhi i qartë se shteti nuk do të japë më azil për tre muajt e ardhshëm dhe se emigrantët do të ndalohen, duket se ka dhënë efekt”, shtoi ministri Thanos Plevris, i cili e ka quajtur fluksin e migrantëve një “pushtim”. Ai tha se vetëm javën e parë të korrikut, Kreta kishte pranuar 2.642 migrantë. Sipas tij, numri I migrantëve kishin rënë në "më pak se 900" që nga data 9 korrik, kur Qeveria njoftoi pezullimin e kërkrsave për azil. Rritja e numrit të migrantëve nga Libia në Kretë këtë verë e gjeti Greqinë të papërgatitur. Më shumë se 7.000 migrantë kanë zbarkuar në Kretë dhe në ishullin e vogël fqinj, Gavdos, që nga fillimi i vitit, krahasuar me 4.935 në vitin 2024.