Tensionet mes Serbisë dhe Kosovës u ndezën sërish këtë javë pasi policia e Kosovës hyri në zonat e dominuara nga serbët në veri të vendit dhe shoqëroi kryetarët e rinj shqiptarë në ndërtesat e komunave lokale. Pati përleshje të dhunshme mes policisë së Kosovës dhe paqeruajtësve të udhëhequr nga NATO-ja në njërën anë dhe serbëve vendas nga ana tjetër, duke lënë dhjetëra të plagosur nga të dyja palët. Serbia ngriti gatishmërinë luftarake të trupave të saj të vendosura pranë kufirit dhe paralajmëroi se nuk do të qëndrojë duarkryq nëse serbët në Kosovë do të sulmoheshin përsëri. Situata ka nxitur sërish frikën për një ripërtëritje të konfliktit të viteve 1998-99 në Kosovë. Por, sa i thellë është konflikti etnik në Kosovë? Agjencia e lajmeve Asociated Press thotë se mosmarrëveshja është shekullore. Serbia e vlerëson rajonin si djepin e qytetërimit të saj.