5 persona kanë humbur jetën e 549 të tjerë kanë rezultuar pozitivë ndaj Covid-19. Mësohet se viktimat e Covid janë, një qytetare 61 vjeç nga Saranda, tre qytetarë nga Tirana 63-72 vjeç e një qytetar nga Vlora 72 vjeç. Sipas informacioneve zyrtare të shpërndara nga Ministria e Shëndetësisë, rezulton që Tirana është qyteti me më shumë të infektuar ditor me përkatëisht 236 raste, ndjekur nga Saranda me 24 të tilla, 23 në Fier, 22 në Shkodër, 21 në Lushnje, 20 në Vlorë, 18 në Durrës, 16 në Kamëz, Elbasan, 13 në Lezhë, 11 në Kurbin, Krujë, Dibër, 10 në Kukës etj. Ndërkohë rezulton se gjatë të njëjtës periudhë janë shëruar 865 pacientë. Po ashtu në të gjithë vendin janë 9,178 pacientë aktivë me COVID19, ndërsa aktualisht në Spitalet COVID po marrin trajtim 176 pacientë, nga të cilët 35 janë në gjendje më të rënduar. Ministria e Shëndetësisë vijon me thirrjet për vaksinimin e popullatës, ndërsa është vendosur që edhe muaji tetor të jetë i hapur për të gjithë ata që duan të vaksinohen.