Parlamenti Evropian ka miratuar këtë të martë vendimin për liberalizimin e vizave për shtetasit me pasaporta të Serbisë që jetojnë në Kosovë. Vendimi u miratua në Parlamentin Evropian me 406 vota pro, 97 kundër dhe 94 abstenime. Ky votim në Parlamentin Evropian është hapi i fundit në këtë institucion të BE-së drejt vendimit për heqjen e vizave për shtetasit e Kosovës me pasaporta serbe. Deputeti nga Sllovenia Matjazh Nemec, tha se ky vendim nuk ka për qëllim të zgjidhë ndonjë çështje politike apo mospajtim ndërmjet Kosovës dhe Serbisë por për të siguruar lëvizjen e lirë dhe për të siguruar trajtimin e barabartë të qytetarëve.