Hungaria raportoi një shifër rekord viktimash nga koronavirusi, cka e detyroi kryeministrin Viktor Orban të shtyjë rihapjen e ekonomisë.Sipas faqes Our Ëorld in Data, Hungaria e ka tejkaluar Republikën Çeke si vendi me shkallën më të lartë të vdekshmërisë për kokë në shtatë ditët e fundit. sot. Vendi me 9.7 milionë banorë, shënon mbi 586,000 raste me koronavirus dhe 18,000 jetë të humbura nga koronavirusi. Duke i dalë kundër BE-së dhe rregullave të saj, Hungaria u bë vend ii parë i bllokut që bleu dhe po përdor vaksina kineze ose ruse kundër koronavirusit, pasi dërgesat nga furnizuesit perëndimorë u vonuan. Vetëm gjatë 24 orëve të fundit, ajo regjistroi 252 viktima – bilanci më i lartë ditor ky që prej fillimit të pandemisë. Përmes një mesazhi video në Facebook, Orban sqaroi se ekonomia nuk mund të rihapet përpara se të vaksinohen të gjithë personat mbi 65 vjec pasi kjo mund të krijonte probleme. Në këtë mënyrë, kreu i ekzekutivit u detyrua të rishikonte planin për të rihapur ekonominë me faza duke nisur nga fundi i këtij muaji. Izolimi i pjesshëm në Hungari hyri në fuqi në fundin e nëtorit, por më pas u zgjerua duke përfshirë dhe shkollat e kopshtet. Autoritetet shëndetëspre vendase i kanë bërë thirrje qytetarëve që t’i kufizojnë blerjet në një herë në javë, nëse është e mundur, të shmangin transportin publik dhe të shtyjnë çdo udhëtim jothelbësor.