Përmbytjet masive në verilindje të Rumanisë kanë vrarë tre persona dhe kanë detyruar evakuimin e qindra të tjerëve, thanë zyrtarët lokalë. Një burrë 66-vjeçar u gjet i vdekur në shtratin e një përroi në provincën Suceava ndërsa disa lumenj të fryrë përmbytën gjithçka në rrugën e tyre pas shirave të rrëmbyeshëm. Një grua 89 vjeçare dhe një tjetër 85 vjeç vdiqën gjithashtu në të njëjtin rajon. Ekipet e shpëtimit po kërkojnë për viktima të tjera të mundshme. Disa qindra banorë u evakuuan, disa me helikopter, me imazhet që tregonin rrugë të bllokuara nga mbeturinat, ura të shkatërruara dhe pemë të shkulura me gjithë rrënjë. Me shumë fshatra të izoluara, zyrtarët thanë se ishte ende herët për të vlerësuar shkallën e plotë të dëmeve, por sidoqoftë, "një numër i konsiderueshëm" shtëpish janë dëmtuar. Dhe në fakt është e gjithë evropa qendrore që po përgatitet për përmbytje. Në vetëm 24 orë më shumë se 100 litra shi për metër katror ranë në disa zona ndërsa një sistem i presionit të ulët përfshiu sllovakinë dhe poloninë, duke u zhvendosur edhe më tej në Republikën Ceke. E me më shumë reshje shiu në pritje, ekspertët druajnë se situata mund të rëndohet shumë. E ndërkohë, në turqi e greqi vazhdon lufta me flakët. Të paktën 17 persona kanë humbur jetën në zjarret apokaliptike që kanë përfshirë turqinë, me të nxehtin që i ka cuar temperaturat deri në 50 gradë celcius dhe erën e fortë që po shkakton shkatërrim rreth gjithë mesdheut lindor. Flakët kanë detyruar më shumë se 3500 banorë të braktisin shtëpitë e tyre që nga fundi i qershorit, me sipërfaqe të mëdha pyjesh të kthyera në hi. Sidoqoftë, ekspertët thonë se temperaturat në rajon pritet të bien në fillim të gushtit, duke u kthyer në normalen e sezonit. Megjithatë, rreziku i zjarreve mbetet i lartë, vecanërisht në greqinë jugore.