Shtetasit shqiptarë të cilët janë subjekt i deklarimit të Deklaratës Individuale Vjetore të të ardhurave për 2020, duhet të deklarojnë edhe të ardhurat e realizuara jashtë territorit të Republikës së Shqipërisë. Në njoftimin më të fundit të drejtorisë së përgjihshme të tatimeve, afati i funidt për të dorëzuar deklaratën individuale të të ardhurave vjetore është data 30 qershor 2021. Janë disa burime të ardhurash të cilat duhet të deklarojnë këta individë: të ardhura nga paga si dhe shpërblimet nga marrëdhëniet e punësimit, të ardhurat nga dividenti, të ardhurat nga qiraja, fitimi kapital nga shitja e pasurisë së palujtshme në pronësi të deklaruesit, të ardhura nga interesat bankare, fitimi kapital i krijuar nga investimet në tituj apo nga pasuri të palujtshme, të ardhurat nga pasuria intelektuale, licencat, të drejtat ekskluzive dhe pasuritë e tjera, që përbëhen vetëm nga të drejta dhe që nuk kanë formë fizike. Këtyre katogrive të të ardhurave u shtohen edhe të ardhurat bruto të realizuara jashtë territorit të Republikës së Shqipërisë. Për totalin e të ardhurave të këtyre shtetasve do të llogaritet edhe tatimi mbi të ardhurat.Ky deklarim duhet të bëhet në mënyrë që të shmangen penalitetet e parashikuara nga Legjislacioni tatimor në fuqi. Deklarimi i të ardhurave, përveç se është detyrim ligjor, i çdo individi subjekt i deklarimit, është edhe një garanci më shumë, lidhur me justifikimin e pasurisë së tij.