Varinti I ri infektues Omicron dhe gripi sezonal kanë shkaktuar një situatë jo të mirë në Greqi, ku shifrat e infektimtve dhe numri i viktimave po rriten cdo ditë e më shumë. Pacientë të shumtë me simptoma apo jo të Covid 19, I drejtohen spitaleve dhe klinikave për të marrë trajtim mjekësorë, ndërsa raportohet për një numër të lartë pacientësh të cilët janë në intubim. Sipas mediave greke 668 qytetarë janë të shtruar në spital në gjendje të rëndë shëndetësore. 541 prej tyre janë të pavaksinuar ose kanë marrë vetëm një dozë vaksine. Në 24 orët e fundit në Greqi janë shënuar 18 333 raste të reja me covid, një shifër kjo që sa vjen e shkon në rritje dhe sa duket ka rikthyer sërish ndjenjën e frikës tek qytetarët. Po gjatë kësaj fashe orare kanë ndërruar jetë 73 pacientë të cilët prej ditësh po merrnin trajtim mjekësorë në spital. Numri i përgjithshëm i viktimave që prej fillimit të pandemisë në shtetin fqinj ka shkuar në 22 549 në total.