Sektori i Ujësjellës Kanalizimeve ka shfaqur probleme financiare gjatë vitit që lamë pas. Sipas raportit të Entit Rregullator, veçanërisht 26 shoqëri të ujësjellës kanalizimeve performojnë dobët në mbulimin e kostove të operimit dhe mirëmbajtjes. Ky tregues ra ndjeshëm me 12.9% gjatë vitit 2022, kjo për shkak të krizës energjitike dhe të rritjes së çmimeve në përgjithësi. Gjatë vitit 2022, nga 58 shoqëri që operojnë në sektor, vetëm 13 prej tyre arritën të mbulonin totalisht kostot.