Kryeministri britanik Boris Johnson, është shumë i varfër në mënyrë që të vazhdojë të ushtrojë detyrën e kryeministrit. Këtë e thotë një këhsilltar i Doënin Street, që në formë anonime ka treguar për Synday Times, se Johnson është pa asnjë lek në xhep. Sipas llogarive të bëra nga e përjavshmja, kryeministri është goditur nga probleme financiare që e ekspozojnë përballë presioneve të cdo tipi. Dhe është pikërisht rreziku i shantazheve ndaj kryeministrit ai që shqetëson botën politike britanike. Lista e shpenzimeve që rëndojnë në bilancin personal të johnson, është e gjatë. Së pari është ristrukturimi i apartamentit privat në Doëning Street ku ai jeton me të fejuarën, Carrie Symonds e që ka kushtuar 58 mijë paundë, të paguara këto me kontributin e padeklaruar asnjëherë të disa financuesve të partisë konservatore. Për orenditë, të përzgjedhura nga vetë Symonds, në stil krejt të ndryshëm nga ai i Theresa May, shpenzimi ka qenë plot 200 mijë paundë. Por, ai që rëndon akoma më shumë është mbi të gjitha kapitulli i lidhur me jetën private të Johnson: divorci i kushtueshëm me ish bashkëhsorten, Marina, gjashtë fëmijët e njohur zyrtarisht që ai duhet ti mbështesë, dhe ka edhe nga ata që flasin nën zë se lista, jo zyrtare, është shumë më e gjatë. Për më tepër është edhe kredia prej një milionë e gjysmë eurosh për shtëpinë në jug të londrës në të cilën ai do të shkojë të jetojë bashkë me Carrin dhe një shtëpi fshati në Oxfordshire. Paga zyrtare për kryeministrin në britani është 157 mijë paundë në vit që pas pagesës së taksave zbret në 95 mijë, ose rreth 110 mijë euro, të cilave i zbriten po ashtu edhe 10 mijë euro taksa për apartamentin në doëning street, kostoja e ushqimit etj. E kjo shifër ëhstë shumë larg gjysmë milionit në vit që përllogaritet se ai merrte para se të ngjitej në krye të qeverisë pasi vetëm si opinionist i Telegraph ai fitonte mbi 300 mijë euro cdo vit.