Një meteor që po binte drejt Tokës shpërtheu mbi pjesën verilindore të Shteteve të Bashkuara të shtunën, tha NASA, duke shkaktuar një gjëmim që jehoi mbi të gjithë rajonin ndërkohë që fuqia e shpërthimit ishte ekuivalente me 300 ton tritol. Lëmshi i zjarrtë u shpërbë mbi Massachusettsin verilindor dhe Neë Hampshire-in juglindor në orën 14:06, tha për AFP-në në një deklaratë një zyrtera e NASA-s, Jennifer Dooren. "Ky lëmsh zjarri nuk ishte i lidhur me ndonjë shi meteorësh aktualisht aktiv, por ishte një objekt natyror dhe jo një rihyrje e mbeturinave hapësinore ose një satelit," tha ajo. "Energjia e lëshuar gjatë shpërbërjes vlerësohet të jetë ekuivalente me rreth 300 ton TNT, cka përbën një shpërthim të fortë." Meteori po udhëtonte me një shpejtësi prej më shumë se 120,000 km/orë dhe ishte në një lartësi prej 64 km kur u shpërbë, tha Dooren.