Kosova ka reaguar ashpër pas lajmeve të mediave ruse dhe deklaratave të kryediplomatit rus, Sergei Lavrov se “Kosova po dërgon mercenarë në Ukrainë”. Ministria e Punëve të Jashtme e Kosovës i ka hedhur poshtë pretendimet e Moskës, duke thënë se këto akuza janë pjesë e strategjisë së Moskës për të destabilizuar Ballkanin. “Ministria e Punëve të Jashtme dhe Diasporës e Republikës së Kosovës hedh poshtë në mënyrë kategorike si të pavërtetë dhe tendencioz çdo pretendim të agjencisë të lajmeve ruse TASS dhe të ministrit të Jashtëm rus, Sergei Lavrov, se kinse “Kosova dhe disa pjesë tjera të Ballkanit Perëndimor po dërgojnë qytetarë në vijën e fronit’, thuhet në reaagim.