Planet për një ishull artificial në të cilin do të mund të jetojnë 35 mijë njerëz dhe që do të mbrojë portin e kopenhagenit nga rritja e nivelit të deteve, janë miratuar nga parlamentarët danezë. Ishulli gjigand, që do të quhet Lynetteholm, do të lidhet me tokën përmes një zinxhiri rrugësh, tunelesh dhe linjash metroje. Miratimi nga parlamenti Danez, hap rrugën që projekti me sipërfaqe 2.6 km katror të nisë zbatimin më vonë gjatë këtij viti. Por, ai përballet me kundërshtitë e ambjentalistëve që shqetësohen për pasojat e ndërtimit të tij. Planet për ishullin, përfshijnë edhe një sistem digash përreth perimetrit të tij, me qëllim që të mbrojnë gjirin nga rritja e nivelit të detit apo nga stuhitë. Nëse ndërtimi shkon sic është planifikuar, pjesa më e madhe e themeleve për ishullin pranë kryeqytetit të Danimarkës, do të jenë hedhur deri në 2035, me qëllimin që projekti të përfundojë plotësisht në 2070-ën. Sidoëoftë, grupet ambjentaliste kanë ndërmarrë një nismë ligjore në gjykatën evropiane të drejtësisë kundër projektit. Për ndërtimin e ishullit artificial, që ka përmasat e rreth 400 fushave të futbollit, do të nevojiten 80 milionë tonë dhe që do të shpërndahet në zonë për tya krijuar atë. Ambjentalistët janë të shqetësuar ndërkohë për lëvizjen e sedimenteve në det dhe për pasojat e mundshme në ekosisteme dhe cilësinë e ujit.