Për një vend me një ushtri shumë herë më të vogël dhe pa armë bërthamore, Australia papritur duket se po flet shumë për një luftë me kinën. Më 25 prill, datën simbolike të Anzac Day, kur australia nderon të rënët e luftës, ministri i ri i mbrojtjes në vend, Peter Dutton, tha se një konflikt me kinën, në lidhje me tajvanin, nuk duhet minimizuar duke shtuar se australianët duhet të jenë realistë për tensionet në rajon. Në një tjetër mesazh, të njëjtën ditë, shefi i departamentit të fuqishëm në australi të punëve të brendshme, i tha stafit se vendet e lira po dëgjonin edhe një herë kambanat e luftës të binin. Pak ditë më vonë, kryeministri Scott Morrison njoftoi një rritje të shpenzimeve ushtarake me 580 milionë dollarë. Gjatë javës në vijim, disa gazeta publikuan një raportim konfidencial të gjeneral majorit australian Adam Findlay për forcat speciale në të cilin ai thoshte se një konflikt me kinën është i mundur. Ideja e australisë në luftë me kinën, është në vetvete qesharake. Vitin e kaluar, shpenzimet ushtarake australiane ishin 27 miliardë dollarë ndërsa ato të Kinës ishin 10 herë më të larta për të njëjtën periudhë, në rreth 252 miliardë dollarë, shifër kjo e dyta më e lartë në botë. Vec të tjerash, Kina është një fuqi bërthamore ndërsa australia, jo.