Lajmi u shfaq shtatorin e kaluar: Një kompani kaliforniane po punon me forcat ajrore amerikane për prodhimin e një avioni supersonik që mund të përdoret si Air Force One, ose ndryshe, avioni i presidentit amerikan. Exosonic ka marrë një kontratë nga ushtria me konceptin e saj për një avion supersonik Mach 1.8 tëinjet. CNN ka mundur ndërkohë të sigurojë një shikim ekskluziv brenda kabinës së avionit që është i projektuar për të pritur vizitorët e vecantë të ekzekutivit amerikan. Gjithcka në avion ëhstë e fjalës së fundit, sedilje lëkure, suita private për punë dhe pushim, dhe koha e udhëtimit, dy herë më e ulët se ajo e avionëve ekzistues. Funksionet e avionit presidencial variojnë në bazë të nevojave, por ky avion mund të përdoret kryesisht si Air Force Tëo, që tregon avionin e zëvendëspresidentit amerikan. “Me këtë koncept, ne planifikojmë implementimin e teknologjive të reja që nuk janë të vlefshme në ditët e sotme, ose që ju nuk mund ti shihni në avionët komercialë apo ata të biznesit”, thonë drejtuesit. Avioni disponon edhe një sallë takimesh, me mundësi të sigurta për lidhje video në mënyrë që vizitorët të mund të punojnë dhe të lidhen online, ose edhe ti flasin që andej shtypit. Avioni mund të udhëtojë në mbi 9 mijë kilometra me një furnizim dhe falë teknikës së zbutjes së zhurmës mund të fluturojë mbi tokë me shpejtësi thuajse dy herë më të lartë se ajo e zërit, pa shqetësuar banorët poshtë.