Kryeministri izraelit Benjamin Netanyahu ka deklaruar gjatë një interviste televizive se Izraeli synon të marrë kontrollin e të gjithë Gazës. Ai tha se Izraeli do ta pushtonte atë ushtarakisht, por "nuk do ta aneksonte enklavën". "Ne nuk duam të jemi atje si një organ qeverisës. Ne duam t'ia dorëzojmë atë forcave arabe që do ta qeverisin siç duhet pa na kërcënuar”, deklaroi Netanyahu. Ai përsëriti qëllimet kryesore të Izraelit: çmontimin e plotë të Hamasit dhe kthimin pa kushte të të gjithë pengjeve të mbetura. Netanyahu tha gjithashtu se konflikti mund të përfundojë shpejt nëse Hamasi dorëzon armët dhe liron pengjet. Intervista erdhi menjëherë pasi Netanyahu u takua me ambasadorin e Indisë në Izrael, J. P. Singh, për të diskutuar forcimin e lidhjeve dypalëshe midis dy kombeve, veçanërisht në fushat e mbrojtjes dhe ekonomisë. Ushtria izraelite ka marrë nën kontroll në terren në pothuajse 75% të Rripit të Gazës, veçanërisht nga pozicionet e saj të përhershme në enklavë përgjatë kufirit.