Ministrja e Jashtme, olta Xhaçka priti tre homologët e saj të Austrisë, Çekisë e Sllovenisë paraditen e së dielës. Sipas saj, kjo vizitë dëshmon mbështetjen e tyre për anëtarësiminn e shqipërisë në BE, sakaq ministrja Xhaçka u shpreh se vendi është gati për të mbajtur Konferencën e Parë Ndërqeveritare brenda 6 mujorit të parë të këtij viti. “Shqipëria, ka bërë një rrugë të gjatë dhe të vështirë për të përmbushur kushtet dhe kërkesat duke tejkaluar jo pak sfida. Edhe pse viti i fundit ka qenë jashtëzakonisht i vështirë ia kemi dalë të bëjmë një përparim thelbësor në reformimin e sistemit të drejtësisë, në luftën kundër krimit të organizuar dhe korrupsionit, në zgjerimin e perspektivës dhe kuadrit ligjor të të drejtave themelore të njeriut, dhe së fundi kemi arritur të zhvillojmë një proces transparent zgjedhor, për ta sjellë Shqipërinë më afër qëllimit të saj përfundimtar, anëtarësimit në BE. Me njohjen e qartë që Komisioni Evropian iu ka bërë këtyre arritjeve, dhe me mbështetjen e miqve dhe vendeve partnere tonat si Austria, Republika Çeke dhe Sllovenia, ne kemi pritshmëri të larta që Këshilli do të dakordësohet për të miratuar kornizën negociuese dhe për të zhvilluar Konferencën e parë Ndërqeveritare me Shqipërinë, brenda gjashtëmujorit të parë të vitit” Të tre ministrat e BE vlerësuan se Shqipëria ka bërë gjithçka pritej prej saj dhe se është radha e BE që të hedhë hapin e saj. Ministri i jashtë austriak Alexander Schallenberg, u shpreh se Shqipëria është e gatshme që të hapen negociatat ne qershor dhe nuk ka arsye për vonesa. Homologu i tyre çek, Jakub Kulhanek vlerësoi hapat positive të vendit për reformën në drejtësi dhe lufta kundër korrupsionit dhe krimit të organizuar. ministri i Jashtëm i Sllovenisë, Anze Logar, tha se presidenca e ardhshme është ajo e Sllovenisë ku zgjerimi dhe çështja e BP do të jenë në krye të axhendës Shqipëria ka bërë një rrugë shumë të gjatë, ka ndërmarrë shumë reforma, i ka bërë detyrat e saj dhe është gati të hapë negociatat në muajin qershor. Nuk ka asnjë arsye për ta vonuar këtë proces”austriak. “Është mjaft domethënëse që tre Ministra të Jashtëm të BE kanë ardhur në Shqipëri për të treguar mbështetjen e tyre në rrugëtimin e Shqipërisë drejt BE. Përfitoj nga rasti për të vlerësuar të gjitha arritjet që Shqipëria ka bërë deri më tani, veçanërisht në dy fusha: reforma në drejtësi dhe lufta kundër korrupsionit dhe krimit të organizuar”çek. Shqipëria e përmbushi detyrën, tani është BE që duhet të qëndrojë me fjalët e saj, është koha e duhur. Presidenca e ardhshme është ajo e Sllovenisë ku zgjerimi dhe çështja e BP do të jenë në krye të axhendës, kështu që Shqipëria do të të ketë një bashkëbisedues aktiv. Bashkëbisedues dhe mbështetës shumë aktiv për procesin e zgjerimit”slloven Ky takim u mbajt në ambientet e Ministrisë së Europës dhe Punëve të Jashtme, ndërsa tre vizitorët zhvilluan gjithashtu takime me Presidnetin e Republikës, Ilir Meta, kryeministrin Edi Rama dhe kryedemokratin Lulzim Basha.