Policia ka shpallur në kërkim një shtetas, i cili dyshohet se ka qëlluar me armë zjarri pistoletë, në drejtim të banesës së bashkëjetueses së tij dhe familjarëve të saj, për t’i kërcënuar. Ngjarja ka nddhur në fshatin Bicaj, ku si rezultat i hetimeve u identifikua dhe u shpall në kërkim autori i dyshuar i këtij rasti, banues në fshatin Shtiqen, për të cilin policia po punon për ta arrestuar. Ndërkohë në prangat e policisë ka rënë babai i 28-vjeçarit, sepse mësohet se ka fshehur gëzhojën, duke tentuar në këtë mënyrë të pengojë zbulimin e së vërtetës në lidhje me rastin në fjalë. Sakaq gjatë kontrollit në banesë iu gjetën një kallëp tritol, një armë gjahu, municion dhe një përforcues grushti. Këto mjete të rrezikshme u sekuestruan bashkë me dy automjete. Operacioni u realizua nga specialistët e Seksionit për Hetimin e Krimeve të Komisariatit të Policisë Kukës të cilët kanë organizuar punën të zbardhur rrethanat e rastit.