Pas deklaratës së ambasadorit të Shteteve të Bashkuara në Kosovë, Jeff Hovenier, ka reaguar edhe Bashkimi Europian. Në një deklaratë publike, BE bën me dije se dënon ngjarjet në veri dhe se duhen ndërmarrë veprima për të zbutur tensionet. “Bashkimi Evropian dënon ashpër përleshjet që përfshijnë policinë e Kosovës dhe protestuesit në veri të Kosovës, të iniciuara nga tentativa e kryetarëve të sapozgjedhur të komunave për të hyrë në ndërtesat komunale. Ne dënojmë fuqishëm sulmet ndaj patrullave të misionit civil të BE-së në Kosovë, EULEX. EULEX-it duhet t'i lejohet të zbatojë mandatin e tij në mënyrë paqësore.” – thuhet në reagim.