Babai i këngetares së njohur Pink, Jim Moore ka ndërruar jetë pas një beteje të gjatë me kancer të prostates. Këngëtarja 41-vjeçare e hitit “So What”, ka shprehur dhimbjen e saj si dhe ka bërë të ditur lajmin e trishtë përmes një postimi në Instagram.Ajo ka shpërndarë disa fotografi të babait të saj të ndjerë, i cili ishte veteran i Luftës së Vietnamit. “Deri në përjetësi”, ishin fjalët e pakta të Pink, emri i vërtetë i së cilës është Alecia Moore, të cilat ia kishte shoqëruar një fotografie të saj ku shihet bashkë me të atin duke vallëzuar, kur ajo ishte fëmijë. Vetëm një ditë para se të ndërronte jetë I ati, Pink publikoi një fotografi të saj ku shfaqej bashkë me babain, në të cilën ata shfaqeshin duke kënduar këngën “I Have Seen the Rain”, foto e shkrepur shumë vite më parë në Neë York.